ಪುರುಷನ ಮುಂದೆ ಮಾಯೆ।। ವಚನ ವಿಶ್ಲೇಷಣೆ ।। ಅಕ್ಕಮಹಾದೇವಿಯವರ ವಚನ

 ಶ್ರೀಗುರು ಬಸವಲಿಂಗಾಯ ನಮಃ

(ಈ ವಚನದ ಸರಳ ಸಂಪೂರ್ಣ ಚರ್ಚೆಯನ್ನು ಯೂಟ್ಯೂಬ್ ಚಾನಲ್ ನಲ್ಲಿ ವೀಕ್ಷಿಸಲು ಮೇಲಿನ ಲಿಂಕ್ ಬಳಸಿ)

ಪುರುಷನ ಮುಂದೆ ಮಾಯೆ

ಸ್ತ್ರೀಯೆಂಬ ಅಭಿಮಾನವಾಗಿ ಕಾಡುವುದು.

ಸ್ತ್ರೀಯ ಮುಂದೆ ಮಾಯೆ ಪುರುಷನೆಂಬ ಅಭಿಮಾನವಾಗಿ ಕಾಡುವುದು.

ಲೋಕವೆಂಬ ಮಾಯೆಗೆ ಶರಣಚಾರಿತ್ರ್ಯ

ಮರುಳಾಗಿ ತೋರುವುದು. ಚೆನ್ನಮಲ್ಲಿಕಾರ್ಜುನನೊಲಿದ ಶರಣಂಗೆ ಮಾಯೆಯಿಲ್ಲ,ಮರಹಿಲ್ಲ,ಅಭಿಮಾನವೂ ಇಲ್ಲ.

     ಇಲ್ಲಿ ಅಕ್ಕಮಹಾದೇವಿಯ ವಚನದಲ್ಲಿ  ಮಾಯೆಯು ಲಿಂಗಭೇದದಿಂದ ಹೇಗೆ ಪ್ರಕಟವಾಗುತ್ತದೆ ಎಂದು ವಿವರಿಸಲಾಗಿದೆ; ಪುರುಷನಿಗೆ ಸ್ತ್ರೀಯು, ಮತ್ತು ಸ್ತ್ರೀಗೆ ಪುರುಷನು ಮಾಯೆಯ ರೂಪದಲ್ಲಿ ಭಾಸವಾಗುತ್ತಾರೆ. ಲೌಕಿಕ ಜಗತ್ತಿನ ದೃಷ್ಟಿಯಲ್ಲಿ, ಶರಣರ ನಡವಳಿಕೆಗಳು ಮಾಯೆಗೆ ಮರುಳಾಗಿ ಕಾಣಿಸಬಹುದು. ಆದರೆ, ಚೆನ್ನಮಲ್ಲಿಕಾರ್ಜುನನಲ್ಲಿ ಐಕ್ಯರಾದ ಶರಣರಿಗೆ ಮಾಯೆ, ಮರೆವು ಅಥವಾ ಅಹಂಕಾರ ಇರುವುದಿಲ್ಲ ಎಂದು ಈ ವಚನಗಳು ಸ್ಪಷ್ಟಪಡಿಸುತ್ತವೆ.