ಕೋಲ ತುದಿಯ ಕೋಡಗದಂತೆ।। ವಚನ ವಿಶ್ಲೇಷಣೆ ।। ಅಕ್ಕಮಹಾದೇವಿಯವರ ವಚನ

 ಶ್ರೀಗುರು ಬಸವಲಿಂಗಾಯ ನಮಃ

(ಈ ವಚನದ ಸರಳ ಸಂಪೂರ್ಣ ಚರ್ಚೆಯನ್ನು ಯೂಟ್ಯೂಬ್ ಚಾನಲ್ ನಲ್ಲಿ ವೀಕ್ಷಿಸಲು ಮೇಲಿನ ಲಿಂಕ್ ಬಳಸಿ)

ಕೋಲ ತುದಿಯ ಕೋಡಗದಂತೆ

ನೇಣ ತುದಿಯ ಬೊಂಬೆಯಂತೆ

ಆಡಿದೆನಯ್ಯಾ ನೀನಾಡಿಸಿದಂತೆ

ಆನು ನುಡಿದೆನಯ್ಯಾ ನೀ ನುಡಿಸಿದಂತೆ

ಆನು ಇದ್ದೆನಯ್ಯಾ ನೀನು ಇರಿಸಿದಂತೆ

ಜಗದ ಯಂತ್ರವಾಹಕ ಚೆನ್ನಮಲ್ಲಿಕಾರ್ಜುನ ಸಾಕೆಂಬನ್ನಕ್ಕ.

     

    ಇಲ್ಲಿ ಅಕ್ಕಮಹಾದೇವಿಯ ವಚನವು  "ಕೋಲ ತುದಿಯ ಕೋಡಗ" ಎಂಬ ವಚನವು, ಅಂತರಂಗದ ಶರಣಾಗತಿಯ ಆಳವಾದ ಭಾವವನ್ನು ಸಾರುತ್ತದೆ. ಇಲ್ಲಿ ಅಕ್ಕಮಹಾದೇವಿ ತಮ್ಮನ್ನು ಕೋಲಿನ ತುದಿಯ ಕೋಡಗದಂತೆ ಮತ್ತು ನೇಣಿನ ತುದಿಯ ಬೊಂಬೆಯಂತೆ ಎಂದು ಹೋಲಿಸಿಕೊಂಡು, ತಮ್ಮ ಅಸ್ತಿತ್ವವು ಪರಮಾತ್ಮನ ಇಚ್ಛೆಗೆ ಸಂಪೂರ್ಣವಾಗಿ ಅಧೀನವಾಗಿದೆ ಎಂದು ಹೇಳುತ್ತಾರೆ. ಅವರು ದೈವವೇ ಆಡಿಸುವಂತೆ ಆಡಿದ್ದೇನೆ, ನುಡಿಸುವಂತೆ ನುಡಿಸಿದ್ದೇನೆ, ಮತ್ತು ಇರಿಸಿದಂತೆ ಇದ್ದೇನೆ ಎಂದು ಸ್ಪಷ್ಟಪಡಿಸುತ್ತಾರೆ. ಈ ಮೂಲಕ, ಜೀವವು ಪರಮಾತ್ಮನಾದ ಚೆನ್ನಮಲ್ಲಿಕಾರ್ಜುನನ ಕೈಯಲ್ಲಿನ ಒಂದು ಸಾಧನವಾಗಿದ್ದು, ಅವನ ಇಚ್ಛೆಯಂತೆ ನಡೆಯುತ್ತದೆ ಎಂಬ ಅಂತಿಮ ಸತ್ಯವನ್ನು ಈ ವಚನ ಎತ್ತಿ ತೋರಿಸುತ್ತದೆ.