ನಾನು ನಿನಗೊಲಿದೆ,ನೀನು ಎನಗೊಲಿದೆ ।। ವಚನ ವಿಶ್ಲೇಷಣೆ ।। ಅಕ್ಕಮಹಾದೇವಿಯವರ ವಚನ

 ಶ್ರೀಗುರು ಬಸವಲಿಂಗಾಯ ನಮಃ

(ಈ ವಚನದ ಸರಳ ಸಂಪೂರ್ಣ ಚರ್ಚೆಯನ್ನು ಯೂಟ್ಯೂಬ್ ಚಾನಲ್ ನಲ್ಲಿ ವೀಕ್ಷಿಸಲು ಮೇಲಿನ ಲಿಂಕ್ ಬಳಸಿ)

ನಾನು ನಿನಗೊಲಿದೆ

ನೀನು ಎನಗೊಲಿದೆ. ನೀನೆನ್ನನಗಲದಿಪ್ಪೆ

ನಾನಿನ್ನನಗಲದಿಪ್ಪೆನಯ್ಯಾ. ನಿನಗೆ ಎನಗೆ ಬೇರೊಂದು ಠಾವುಂಟೆ ? 

ನೀನು ಕರುಣಿಯೆಂಬುದ ಬಲ್ಲೆನು ; ನೀನಿರಿಸಿದ ಗತಿಯೊಳಗಿಪ್ಪವಳಾನು. 

ನೀನೆ ಬಲ್ಲೆ ಚೆನ್ನಮಲ್ಲಿಕಾರ್ಜುನಾ.

    ಈ ವಚನದಲ್ಲಿ ಅಕ್ಕಮಹಾದೇವಿ, ಮಲ್ಲಿಕಾರ್ಜುನನಲ್ಲಿ   "ನಾನು ನಿನಗೊಲಿದೆ, ನೀನು ಎನಗೊಲಿದೆ" ಎಂದು ಆಧ್ಯಾತ್ಮಿಕ ಪ್ರೇಮ ಭಾವದಿಂದ ತಮ್ಮ ಪರಸ್ಪರ ಭಕ್ತಿ ಮತ್ತು ಪ್ರೀತಿಯನ್ನು ಎತ್ತಿ ತೋರಿಸುತ್ತಿದ್ದಾರೆ. ಈ ವಚನದ ಮುಖ್ಯ ತಿರುಳು, ಭಕ್ತ ಮತ್ತು ದೇವರ ನಡುವೆ ಬೇರ್ಪಡಿಸಲಾಗದ ಅನನ್ಯ ಭಾವವನ್ನು ಎತ್ತಿತೋರಿಸುತ್ತಿದೆ, ಇಲ್ಲಿ ದೇವರು  ಭಕ್ತನನ್ನು ಎಂದಿಗೂ ಅಗಲನು ಮತ್ತು ಭಕ್ತನು ದೇವರಿಂದ ದೂರವಿರಲು ಸಾಧ್ಯವಿಲ್ಲ. ಅಕ್ಕ ತನ್ನನ್ನು ದೇವರ ಕರುಣೆಯಲ್ಲಿರುವವಳು ಎಂದು ಗುರುತಿಸಿಕೊಳ್ಳುತ್ತಾಳೆ, ಅಂದರೆ ತನ್ನ ಅಸ್ತಿತ್ವವು ದೇವರ ಇಚ್ಛೆ ಮತ್ತು ಮಾರ್ಗದರ್ಶನದ ಮೇಲೆ ಸಂಪೂರ್ಣವಾಗಿ ಅವಲಂಬಿತವಾಗಿದೆ ಎಂಬುದನ್ನು ತಿಳಿಸುತ್ತಿದ್ದಾಳೆ.