ನಡೆಯದ ನುಡಿಗಡಣ ।। ವಚನ ವಿಶ್ಲೇಷಣೆ ।। ಅಕ್ಕಮಹಾದೇವಿಯವರ ವಚನ

 ಶ್ರೀಗುರು ಬಸವಲಿಂಗಾಯ ನಮಃ

(ಈ ವಚನದ ಸರಳ ಸಂಪೂರ್ಣ ವಿಶ್ಲೇಷಣೆಯುಕ್ತ ಚರ್ಚೆಯನ್ನು ನೋಡಲು ಮೇಲಿನ ಯೂಟ್ಯೂಬ್  ಲಿಂಕ್ ಬಳಸಿ ) 

ನಡೆಯದ ನುಡಿಗಡಣ

ಮಾಡದ ಕಲಿತನ

ಚಿತ್ರದಸತಿಯ ಶೃಂಗಾರವದೇತಕ್ಕೆ ಪ್ರಯೋಜನ ? 

ಎಲೆಯಿಲ್ಲದ ಮರನು

ಜಲವಿಲ್ಲದ ನದಿಯು

ಗುಣಿಯಲ್ಲದ ಅವಗುಣಿಯ ಸಂಗವದೇತಕ್ಕೆ ಪ್ರಯೋಜನ ? 

ದಯವಿಲ್ಲದ ಧರ್ಮ

ಉಭಯವಿಲ್ಲದ ಭಕ್ತಿಯು

ನಯವಿಲ್ಲದ ಶಬ್ದವದೇತಕ್ಕೆ ಪ್ರಯೋಜನ ಎನ್ನ ದೇವ ಚೆನ್ನಮಲ್ಲಿಕಾರ್ಜುನಾ ?

    ಈ ವಚನದಲ್ಲಿ ಅಕ್ಕನು, ಮಾತಿಗೆ ತಕ್ಕಂತೆ ನಡೆಯದವರನ್ನು ಮತ್ತು ಪ್ರಯೋಜನವಿಲ್ಲದ ವಿಷಯಗಳನ್ನು ಪ್ರಶ್ನಿಸುತ್ತಾರೆ. ಚಿತ್ರದಲ್ಲಿರುವ ಹೆಣ್ಣಿನ ಶೃಂಗಾರ, ಎಲೆಯಿಲ್ಲದ ಮರ, ನೀರಿಲ್ಲದ ನದಿ, ಮತ್ತು ಗುಣವಿಲ್ಲದವರ ಸಹವಾಸವು ಹೇಗೆ ನಿಷ್ಪ್ರಯೋಜಕವೋ, ಹಾಗೆಯೇ ದಯೆ ಇಲ್ಲದ ಧರ್ಮ, ಬದ್ಧತೆಯಿಲ್ಲದ ಭಕ್ತಿ ಮತ್ತು ವಿನಯವಿಲ್ಲದ ಮಾತು ಕೂಡ ಅರ್ಥಹೀನ ಎಂದು ತಮ್ಮ ಆರಾಧ್ಯದೈವ ಚೆನ್ನಮಲ್ಲಿಕಾರ್ಜುನನಲ್ಲಿ  ಪ್ರಶ್ನೆ ಮಾಡುತ್ತಾರೆ. ಇದು ಬಾಹ್ಯ ಆಚರಣೆಗಳಿಗಿಂತ ಆಂತರಿಕ ಶುದ್ಧಿ ಮತ್ತು ಪ್ರಾಮಾಣಿಕತೆಗೆ ಒತ್ತು ನೀಡುವ ಸಂದೇಶವನ್ನು ಸಾರುತ್ತದೆ.