ವಾನರಂಗಳಿಗೆ ಭೈತ್ರ ತಪ್ಪಿಬಂದಡೆ।। ವಚನ ವಿಶ್ಲೇಷಣೆ ।। ಅಕ್ಕಮಹಾದೇವಿಯವರ ವಚನ

 ಶ್ರೀಗುರು ಬಸವಲಿಂಗಾಯ ನಮಃ

(ಈ ವಚನದ ಸರಳ ಸಂಪೂರ್ಣ ಚರ್ಚೆಯನ್ನು ಯೂಟ್ಯೂಬ್ ಚಾನಲ್ ನಲ್ಲಿ ವೀಕ್ಷಿಸಲು ಮೇಲಿನ ಲಿಂಕ್ ಬಳಸಿ)

ವಾನರಂಗಳಿಗೆ ಭೈತ್ರ ತಪ್ಪಿಬಂದಡೆ

ಮುತ್ತು ಮಾಣಿಕ್ಯ ನವರತ್ನದ ಪೆಟ್ಟಿಗೆಗಳು ಸಾರಿದವು.

ಸಾರಿದಡೆ ಆ ವಾನರಂಗಳು ಬಲ್ಲವೆ ಮುತ್ತಿನ ರಕ್ಷೆಯ ?

ನವರತ್ನದ ಪೆಟ್ಟಿಗೆಯ ತೆರದು ನೋಡಿ,

ಕೆಯ್ಕೊಂಡು, ವಾನರಂಗಳು ಮೆದ್ದು ನೋಡಿ,

ಹಣ್ಣಲ್ಲವೆಂದು ಬಿಟ್ಟು ಕಳದವು.

ಲೋಕದೊಳಗೆ ಶರಣ ಸುಳಿದಡೆ,

ಆ ಶರಣನ ನಡೆ ನುಡಿ ಚಾರಿತ್ರವ ಕರ್ಮಿಗಳೆತ್ತ ಬಲ್ಲರು!

ಚೆನ್ನಮಲ್ಲಿಕಾರ್ಜುನಯ್ಯಾ,

ನಿಮ್ಮ ಶರಣರ ಇರವನು ನಿಮ್ಮ ಶರಣರು

ಬಲ್ಲರಲ್ಲದೆ ಆ ವಾನರನಂತಹ ಮನುಜರೆತ್ತ ಬಲ್ಲರು!

     ಈ ವಚನದಲ್ಲಿ ಅಕ್ಕಮಹಾದೇವಿಯವರು ಮುತ್ತು-ಮಾಣಿಕ್ಯಗಳಿಂದ ತುಂಬಿದ ಪೆಟ್ಟಿಗೆಗಳನ್ನು ಕಂಡರೂ ಅವುಗಳ ಮೌಲ್ಯವನ್ನು ಅರಿಯದೆ, ಹಣ್ಣುಗಳಲ್ಲ ಎಂದು ಬಿಸಾಡುವ ಕೋತಿಗಳಿಗೆ ಮನುಷ್ಯರನ್ನು ಹೋಲಿಸಿದ್ದಾರೆ. ಇಲ್ಲಿ, ವಚನಕಾರರು ಲೋಕದಲ್ಲಿ ಶರಣರು ಸಂಚರಿಸಿದಾಗ, ಅವರ ನಡೆ-ನುಡಿ ಮತ್ತು ಚಾರಿತ್ರ್ಯವನ್ನು ಸಾಮಾನ್ಯ ಕರ್ಮಿಗಳು ಅರ್ಥಮಾಡಿಕೊಳ್ಳಲು ಸಾಧ್ಯವಿಲ್ಲ ಎಂದು ವಿವರಿಸಿದ್ದಾರೆ. ಚೆನ್ನಮಲ್ಲಿಕಾರ್ಜುನನನ್ನು ಸಂಬೋಧಿಸುತ್ತಾ, ನಿಮ್ಮ ಶರಣರ ಅಸ್ತಿತ್ವ ಮತ್ತು ಆಳವನ್ನು ನಿಮ್ಮ ಇತರ ಶರಣರು ಮಾತ್ರ ಗ್ರಹಿಸಲು ಸಾಧ್ಯ, ಕೋತಿಗಳಂತಹ ಅಜ್ಞಾನಿಗಳಿಗೆ ಅದು ಅಸಾಧ್ಯ ಎಂದು ಪ್ರತಿಪಾದಿಸುತ್ತಾರೆ. ಒಟ್ಟಾರೆ, ಈ ವಚನವು ಸಾಮಾನ್ಯ ಜನರಿಗೆ ಶರಣರ ದಿವ್ಯತೆಯನ್ನು ಅರಿಯುವ ಸಾಮರ್ಥ್ಯದ ಕೊರತೆಯನ್ನು ಸೂಕ್ಷ್ಮವಾಗಿ ವ್ಯಕ್ತಪಡಿಸುತ್ತದೆ.